Risalah Tauhid Cimindi1
بسم الله الرحمن الرحيم
الحمدلله رب العالمين والصلاة والسلام على أشرف الأنبياء والمرسلين وعلى
آله وصحبه أجمعين أللهم صل على سيدنا محمد طب القلوب ودواءها وعافية
الأبدان وشفاءها ونورالأبصار وضياءها وصلى الله على سيدنا محمد وعلي اله وصحبه وسلم
برحمتك ياأرحم الراحمين
FASAL KAHIJI
BAB ILMUMenurut patokan elmu teh dibagi dua (2) nyaeta:
1 1 Hiji
Anu dingaranan Elmu Tashowwur ( علم تصو ر )
2 2 Dua anu dingaranan Elmu tashdiq ( علم تصديق )
Ari anu dingaranan elmu Tashowwur nyaeta pamanggihna hate kana bab atawa hal tapi henteu bisa dihukuman ku lain atawa ku enya.
Ari anu dingaranan Elmu tashdiq nyaeta pamanggihna hate kana bab atawa hiji hal teh sarta bisa dihukuman ku lain atawa enya.
Demi anu ngahukumannana kana lain atawa enya teh eta aya ku Hukum Syara 'aya ku Hukum Aqal aya ku Hukum Adat.
a.
1. Elmu
Tashowwur dina pengertian bangsa Hukum Syara 'nyaeta seperti
pamanggihna hate kana kayaan sholat, manehna nyaho yen sholat the
ngabogaan takbirotul ihrom, ruku' sujud jeung aweh salam.
2 Elmu tashdiq dina pengertian bangsa Hukum Syara 'nyaeta seperti manehna nyaho yen sholatlima
waktu teh eta wajib.
b. 1. Elmu Tashowwur dina pengertian bangsa hukum Aqal nyaeta seperti pamanggihna hate kana kayaan alam nuduhkeun yen unggal sakabeh maujud eta lian Gusti Alloh Ta'ala.
2. Elmu tashdiq dina pengertian bangsa Hukum Aqal nyaeta seperti nyaho yen alam teh eta anyar.
c. 1. Elmu
Tashowwur dina pengertian bangsa hukum Adat nyaeta seperti nyaho yen
sakabeh kadaharan eta ngabogaan rasa amis, pelem, pait jeung sajabana
jeung sakabeh taneuh ngabogaan rupa atawa warna hideung, bodas, coklat
jeung sajabana.
2. Elmu
tashdiq dina pengertian bangsa hukum Adat eta seperti nyaho yen sakabeh
kadaharan eta matak nguatkeun jeung sakabeh taneuh eta henteu matak
nguatkeun.
Ana ari anu tilu (3) teh nyaeta Syara’ ,
Aqal jeung Adat kabagi deui dua bagian nyaeta 1. Bangsa Dhorurie ,2. Bangsa
Nazhorie.
Ari
Dhorurie nyaeta bab atawa perkara
naon-naon anu kapanggih henteu make dipikir heula.
Ari
nazhorie mah nyaeta bab atawa perkara
teh anu kapanggih ku aqal sanggeus dipikir heula.
u
Ari Dhorurie dina pengertian bangsa hukum
Aqal nyaeta saperti nyaho yen hiji eta saperdua tina dua atawa satengah tina
dua. Sedeng Nazhorie dina pengertian bangsa hukum aqal nyaeta saperti nyaho yen
alam eta anyar.
Ari Dhorurie dina pengertian hukum
adat nyaeta saperti nyaho yen seuneu eta
matak nutungkeun atawa kadaharan matak nguwatkeun badan. Sedeng Nazhorie dina
pengertian hukum Adat nyaeta saperti nyaho yen kina tablet eta matak
nyageurkeun muriang.
Ari Hukum Aqal eta dijieun Tilu Patokan:
Nyaeta 1. Wajib Ceuk aqal , 2. Muhal Ceuk aqal jeung 3. Wenang Ceuk Aqal.
Ari ngaran wajib ceuk aqal nyaeta bab
atawa perkara naon-naon anu kaharti ku aqal ayana, saperti tina kaayaan hal
atawa benda anu nyata ayana, henteu bisa musna asup kana kaayaan anu henteu aya
naon-naonna, ana aya ieu aya salamina misti aya terus, henteu bisa musna ,ilang
lenyap ngan saukur robah macemna wungkul . sagala oge sadia buat balik deui
kana kaayaan asalna.
Ari ngaran muhal ceuk aqal nyaeta bab atawa
perkara anu kaharti ku aqal euweuhna ,saperti tina asal kaayaan henteu aya
naon-naon ,eta henteu bisa dijadikeun naon-naon, jeung henteu bisa disababkeun
mencalna naon-naon, eta henteu bisa diciptakeun naon-naon. Karena dimana ayeuna
henteu aya salamina misti henteu pernah bisa aya, ana henteu perenah bisa aya
tangtu ayeuna oge misti henteu aya.
Ari ngaran wenang cek aqal nyaeta bab
atawa perkara anu kaharti ku aqal ayana jeung kaharti ku aqal euweuhna. Saperti
sagala naon-naon anu di kaluarkeun eta misti diasupkeun heula samemehna.
Tiap-tiap sabab eta misti diadegkeun heula tina anu sok beak, anu sok beak eta
misti diadegkeun heula tina sabab.
Diantara sifat anu wajib kagungan Gusti
Alloh Ta’ala eta aya dua puluh (20) sifat jeung anu muhal dua puluh sifat anu
wenang hiji, nyaeta ngadamel mumkin atawa henteuna
Anu wajib nyaeta 1. wujud, 2, Qidam ,3.
Baqo, 4. Mukholafatu lilhawaditsi, 5. Qiyamuhu Ta’ala binafsihi, 6. Wahdaniyah,
7. Qudroh, 8. Irodah, 9. ilmu, 10. Hayah, 11. Sama’, 12. Bashor, 13. Kalam, 14
Qodiiron, 15 Muriidan, 16. ‘Aliiman, 17. Hayyan, 18. Samii’an, 19.
Bashiiron, 20. mutakalliman
Anu dua puluh ( 20 ) sifat dibagi dua
bagian :
1.
Nyaeta Bangsa Iftiqor ( إفتقار ) tegesna
dipikabutuh katetepan salapan ( 9 ) sifat , nyaeta wahdaniyyah, qudrah, Irodah,
‘Ilmu, Hayah, Qodiiron, Muriidan, “liiman, Hayyan.
2.
Nyaeta Bangsa Istighna ( إستﻐناء ) tegesna henteu dipikabutuh katetepan sabelas
(11) sifat, nyaeta, Wujud, QIdam, Baqo’, Mukholafatu lilhawaditsi, Qiyamuhu
binafsihi, Sama’, Bashor, Kalam, Samii’an, Bashiiron jeung Mutakalliman.
Anu dua puluh (20) sifat ieu dibagi deui
opat (4) bagian nyaeta :
1. Sifat Nafsiyyah
2. Sifat Salbiyyah
3. Sifat Ma’ani
4. Sifat Ma’nawiyyah
Sifat Nafsiyyah ngabogaan hiji sifat nyaeta Wujud
Sifat Salbiyyah ngabogaan lima sifat nyaeta; Qidam, Baqo’, Mukholafatu
lilhawaditsi Qiyamuhu ta’ala binafsihi, Wahdaniyyah.
Sifat Ma’ani ngabogaan tujuh sifat nyaeta ; qudrah,
Irodah, ‘Ilmu, Hayah, Sama’, Bashor, Kalam.
Sifat Ma’nawiyah ngabogaan tujuh sifat nyaeta ;
Qodiiron, Muriidan, ‘Aliiman, Hayyan, Samii’an, Bashiiron, Mutakalliman
